വി .സെബസ്ത്യാനോസിനോടുള്ള പ്രാര്ത്ഥന
 |
| വി .സെബസ്ത്യാനോസിനോടുള്ള പ്രാര്ത്ഥന |
Showing posts with label പ്രാര്ത്ഥനകള്. Show all posts
Showing posts with label പ്രാര്ത്ഥനകള്. Show all posts
Friday, August 19, 2016
വി .സെബസ്ത്യാനോസിനോടുള്ള പ്രാര്ത്ഥന
Monday, August 1, 2016
മാതാപിതാക്കളുടെ പ്രാര്ത്ഥന
മാതാപിതാക്കളുടെ പ്രാര്ത്ഥന
 |
| മാതാപിതാക്കളുടെ പ്രാര്ത്ഥന |
ആമ്മേന്
'മാതാപിതാക്കളെ ബഹുമാനിക്കുന്നവനെ അവന്റെ തലമുറകള് സന്തോഷിപ്പിക്കും '
(പ്രഭാ . 3:5)
ജോലിക്കു പോകുമ്പോള് ചൊല്ലാവുന്ന പ്രാര്ത്ഥന
ജോലിക്കു പോകുമ്പോള് ചൊല്ലാവുന്ന പ്രാര്ത്ഥന
 |
| ജോലിക്കു പോകുമ്പോള് ചൊല്ലാവുന്ന പ്രാര്ത്ഥന |
ഞങ്ങളുടെ രക്ഷകനും നാഥനുമായ ഈശോയെ ,ഞങ്ങള് അങ്ങയെ സ്തുതിക്കുകയും ആരാധിക്കുകയും ചെയുന്നു .എന്നില് വിശ്വാസമര്പ്പിച്ചുകൊണ്ട് അങ്ങുന്ന് എന്നെ ഭാരമേല്പിച്ചിരിക്കുന്ന ഈ പ്രത്യേക ശുശ്രൂഷയെ പ്രതി (അവരവരുടെ ജോലിയെകുറിച്ച് ഓര്ക്കുക ) ഞാന് അങ്ങേക്ക് നന്ദി പറയുന്നു .മനുഷ്യസേവനത്തിനായി അങ്ങ് എനിക്ക് നല്കിയിരിക്കുന്ന അവസരമായി ഈ ശുശ്രൂഷയെ കാണുവാനും അതില് അഭിമാനം കൊള്ളുവാനും എന്നെ അങ്ങുന്ന് അനുഗ്രഹിക്കണമേ .എന്റെ എല്ലാ കഴിവുകളേയും സാഹചര്യങ്ങളെയും അങ്ങയുടെ പ്രത്യേക സംരക്ഷണക്കും പരിപാലനക്കുമായി ഞാന് സമര്പ്പിക്കുന്നു .എന്റെ സഹായം അഭ്യര്ത്ഥിച്ചുകൊണ്ട് എന്റെ പക്കല് അണയുന്ന എല്ലാവരോടും സ്നേഹത്തോടും സൗമ്യതയോടുംകൂടി പെരുമാറുവാന് അങ്ങ് എന്നെ അനുഗ്രഹിക്കണമേ .നീതിബോധത്തോടും സത്യസന്ധതയോടും കൂടെ സേവനമനുഷ്ട്ടിക്കുവാനും നിരുത്തരവാദിത്വപരമായ പെരുമാറ്റംവഴി ആരേയും വേദനിപ്പിക്കാതിരിക്കുവാനും അങ്ങുന്ന് എന്നെ ശക്തനാക്കണമേ (ശക്തയാക്കണമേ ).എന്റെ ചിന്തകളോ വാക്കുകളോ പ്രവര്ത്തികളോ വഴി അങ്ങയുടെ മുമ്പില് കുറ്റക്കാരനായിത്തീരാന് ( കുറ്റക്കാരിയായിത്തീരാന് ) അങ്ങുന്ന് എന്നെ അനുവദിക്കരുതേ. എല്ലായ്പ്പോഴും അങ്ങേക്ക് പ്രീതികരമായവിധം ശുശ്രൂഷചെയ്തുകൊണ്ട് അവിടുത്തെ മഹത്ത്വപ്പെടുത്തുവാനും അവസാനം ഞങ്ങളെല്ലാവരുമൊരുമിച്ച് അങ്ങയുടെ മഹത്വത്തില് പങ്കുകാരാകുവാനും ഞങ്ങളെ അങ്ങുന്ന് അനുഗ്രഹിക്കണമേ .നിത്യം പിതാവും പുത്രനും പരിശുദ്ധാത്മാവുമായ സര്വ്വേശ്വരാ . ആമ്മേന്
രാത്രിജപം
രാത്രിജപം
പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തില് ,ആമ്മേന്
എന്റെ ദൈവമായ ഈശോമിശിഹായെ , ഈ ദിവസം അങ്ങ് എനിക്കു നല്കിയ എല്ലാ അനുഗ്രഹങ്ങള്ക്കും ഞാന് നന്ദി പറയുകയും അങ്ങയെ ആരാധിക്കുകയും ചെയ്യുന്നു .എന്റെ ഉറക്കവും ഈ രാത്രിയിലെ ഓരോ നിമിഷവും ഞാന് അങ്ങേക്ക് കാഴ്ചവയ്ക്കുന്നു . പാപത്തില് നിന്ന് എന്നെ കാത്തു സൂക്ഷിക്കണമെന്നപേക്ഷിക്കുന്നു .അങ്ങേ തിരുഹൃദയത്തിലും എന്റെ അമ്മയായ കന്യാമാരിയത്തിന്റെ സംരക്ഷണയിലും ഞാന് വസിക്കട്ടെ .അങ്ങേ പരിശുദ്ധ മാലാഖമാര് എന്നെ സഹായിക്കുകയും സമാധാനത്തോടെ സൂക്ഷിക്കുകയും ചെയട്ടെ .അങ്ങേ അനുഗ്രഹം എന്റെ മേല്ഉണ്ടാകുമാറാകട്ടെ .എന്റെ കര്ത്താവേ ഈ രാത്രിയില് പാപം കൂടാതെ എന്നെ കാത്തുപരി പാലിക്കണമേ. എന്നെ കാക്കുന്ന മാലാഖയേ, ദൈവത്തിന്റെ കൃപയാല് അങ്ങേക്കെല്പിച്ചിരിക്കുന്ന എന്നെ ഈ രാത്രിയിലും കാത്തു സൂക്ഷിക്കണമേ .ആമ്മേന് .
ഈശോമറിയം യൌസേപ്പേ എന്റെ ആത്മാവിനെയും ശരീരത്തെയും നിങ്ങള്ക്കു ഞാന് കാഴ്ച വയ്ക്കുന്നു .
ഒരുക്കമില്ലാതെ പെട്ടെന്നുള്ള മരണത്തില് നിന്ന് എന്നെ കാത്തു രക്ഷിക്കണമേ . ആമ്മേന്
പ്രഭാത പ്രാര്ത്ഥന
പ്രഭാത പ്രാര്ത്ഥന
പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തില് ,ആമ്മേന്
ഞങ്ങളുടെ സൃഷ്ടാവും പിതാവുമായ ദൈവമേ ,ഈ സുപ്രഭാതത്തില് ഞങ്ങളങ്ങയെ ആരാധിക്കുകയും സ്തുതിക്കുകയും ചെയ്യുന്നു. പാപികളായ ഞങ്ങളെ അന്ധകാരത്തില് നിന്നും പ്രകാശത്തിലേക്ക് ആനയിച്ച കര്ത്താവേ ,ഞങ്ങള് അങ്ങയോട് നന്ദി പറയുന്നു .ഇന്നത്തെ ഞങ്ങളുടെ എല്ലാ പ്രവൃത്തികളും ഞങ്ങള് അങ്ങേക്കു കാഴ്ച വെയ്ക്കുന്നു .വിശ്വാസത്തോടും തീഷ്ണതയോടും കൂടി അങ്ങേക്കു വേണ്ടി ജോലി ചെയ്യുവാന് ഞങ്ങളെ സഹായിക്കണമേ .ഇന്നത്തെ ഞങ്ങളുടെ എല്ലാ ഉദ്യമങ്ങളും വിജയിപ്പിക്കണമേ.ഞങ്ങളുടെ ചിന്തകളിലും പ്രവര്ത്തനങ്ങളിലും പ്രകാശം വീശി ഞങ്ങളെ നയിക്കുകയും എല്ലാവിധ ആപത്തുകളിലും അപകടങ്ങളിലും നിന്നു ഞങ്ങളെ കാത്തു കൊള്ളുകയും ചെയ്യണമേ .മിശിഹായില് എല്ലാം നവീകരിക്കുവാനും അങ്ങയെ മഹത്ത്വ പ്പെടുത്തുവാനും ഞങ്ങളെ ശക്തരാക്കണമേ .അങ്ങയുടെ ത്രിത്വത്തിന്റെ നിഗൂഡമായ ശക്തിയാല് ദുഷ്ട സൈന്യങ്ങളില് നിന്നും ഞങ്ങളെ കാത്തു കൊള്ളണമേ .നിത്യ രാജ്യത്തിലേക്കുള്ള യാത്രയില് തുണയും സങ്കേതവും നല്കി സ്നേഹപൂര്വ്വം ഞങ്ങളെ നയിക്കുകയും അങ്ങയുടെ പരിപാലനയുടെ തണലില് ഇന്നേ ദിവസം ഞങ്ങളെ കാത്തു കൊള്ളുകയും ചെയ്യണമേ .പിതാവും പുത്രനും പരിശുദ്ധാത്മാവുമായ സര്വ്വേശ്വരാ ആമ്മേന് .
ത്രിത്വസ്തുതി
പരിശുദ്ധത്മാവിനോടുള്ള ജപം
പരിശുദ്ധത്മാവിനോടുള്ള ജപം
ആമ്മേന് .
ത്രിസന്ധ്യാ ജപം
ത്രിസന്ധ്യാ ജപം [കര്ത്താവിന്റെ മാലാഖ]
 |
| ത്രിസന്ധ്യാ ജപം |
കര്ത്താവിന്റെ മാലാഖ പരിശുദ്ധ മറിയത്തോട് വചിച്ചു .പരിശുദ്ധാത്മാവാല് മറിയം ഗര്ഭം ധരിച്ചു
1 നന്മ.
ഇതാ കര്ത്താവിന്റെ ദാസി നിന്റെ വചനം പോലെ എന്നിലാകട്ടെ.
1 നന്മ.
വചനം മാംസമായി നമ്മുടെ ഇടയില് വസിച്ചു .
1 നന്മ
ഈശോ മിശിഹായുടെ വാഗ്ദാനങ്ങള്ക്ക് ഞങ്ങള് യോഗ്യരാകുവാന്.. ..
സര്വ്വേസ്വരന്റെ പരിശുദ്ധ മാതാവേ,ഞങ്ങള്ക്കുവേണ്ടി അപേക്ഷിക്കണമേ.
പ്രാര്ത്ഥിക്കാം
സര്വ്വേശ്വര മാലാഖയുടെ സന്ദേശത്താല് അങ്ങയുടെ പുത്രനായ ഈശോ മിശിഹായുടെ മനുഷ്യാവതാരവാര്ത്ത അറിന്നിരിക്കുന്ന ഞങ്ങള് അവിടുത്തെ പീഡാനുഭവവും കുരിശു മരണവും മുഖേന ഉയിര്പ്പിന്റെ മഹിമ പ്രാപിക്കാന് അനുഗ്രഹിക്കണമേയെന്ന് ഞങ്ങളുടെ കര്ത്താവായ ഈശോ മിശിഹാവഴി അങ്ങയോട് ഞങ്ങള് അപേക്ഷിക്കുന്നു
ആമ്മേന് . 3 ത്രിത്വ
തൊഴിലന്വേഷകരുടെ പ്രാര്ത്ഥന
തൊഴിലന്വേഷകരുടെ പ്രാര്ത്ഥന
 |
| തൊഴിലന്വേഷകരുടെ പ്രാര്ത്ഥന |
നെറ്റിയിലെ വിയര്പ്പുകൊണ്ട് ഉപജീവനം നേടണമെന്ന് ആദിമാതാപിതാക്കളോടു കല്പിച്ചരുളിയ ദൈവമേ ,അങ്ങയെ ഞങ്ങള് ആരാധിക്കുന്നു .അദ്ധ്വാനിക്കുകയും ഭാരം വഹിക്കുകയും ചെയുന്നവരെ ആശ്വസിപ്പിക്കുന്ന യേശുനാഥാ ,ലോകമെങ്ങും തൊഴില് ചെയുന്നവരെയും അവര്ക്കു തൊഴില് നല്കുന്നവരെയും ഞങ്ങള് അങ്ങേക്കു കാഴ്ച വെക്കുന്നു .അവരെ എല്ലാവരെയും അനുഗ്രഹിക്കണമേ .തൊഴിലുകളില് വ്യാപൃതരായിരിക്കുന്നവര്ക്ക് ചുമതലാബോധവും സത്യസന്ധതയും നല്കണമേ .കുടുംബങ്ങളുടെ അഭിവൃദ്ധിക്കും രാജ്യപുരോഗതിക്കുമായി അവര് ചെയുന്ന എല്ലാ പ്രവര്ത്തനങ്ങളെയും ആശിര്വാദിക്കണമേ . ആരോഗ്യവും വിദ്യാഭ്യാസവുമുണ്ടായിട്ടും തൊഴില് ലഭിക്കാതെ വലയുന്നവരെ അനുഗ്രഹിക്കണമേ .അവര്ക്കോരോരുത്തര്ക്കും അനുയോജ്യമായ ജോലി ലഭിക്കുവാന് അങ്ങു തിരുമനസ്സാകണമേ . ഞങ്ങളുടെ പ്രാര്ത്ഥനാസഹായം തേടിയിട്ടുള്ള .......................വ്യക്തികളെ കരുണാപൂര്വ്വം കടാക്ഷിക്കണമേ .മാതാവിനോടും വളര്ത്തുപിതാവിനോടുമൊപ്പം അദ്ധ്വാനിച്ചു തൊഴിലിന്റെ മാഹാത്മ്യം ഞങ്ങളെ ഗ്രഹിപ്പിച്ച യേശുവേ ,തൊഴിലന്വേഷകരായ ഞങ്ങളുടെ സദുദ്യമങ്ങള് സഫലമാക്കി ഞങ്ങളെ അനുഗ്രഹിക്കണമേ . ആമ്മേന്
നല്ല കാലാവസ്ഥയ്ക്കായി പ്രാര്ത്ഥന
നല്ല കാലാവസ്ഥയ്ക്കായി പ്രാര്ത്ഥന
 |
| നല്ല കാലാവസ്ഥയ്ക്കായി പ്രാര്ത്ഥന |
കാരുണ്യവാനായ ദൈവമേ ,കഴിഞ്ഞതും വരുവാനിരിക്കുന്നതുമായ എല്ലാം കാണുകയും ഗ്രഹിക്കുകയും ചെയുന്ന പിതാവേ ,ഞങ്ങളെയും ഞങ്ങളുടെ നാടിനെയും അനുഗ്രഹിക്കണമേ .ഞങ്ങളെ ഇപ്പോള് അലട്ടികൊണ്ടിരിക്കുന്ന കഠിനവേനലില്നിന്നു ( അതിവൃഷ്ടിയില്നിന്ന് ,കീടബാധയില്നിന്നു ) ഞങ്ങളുടെ കൃഷികളെയും വിളകളെയും സംരക്ഷിക്കണമേ .അങ്ങ് തിരുമാനസ്സാകുന്നെങ്കില് മാത്രമേ ഞങ്ങളുടെ അദ്ധ്വാനവും പരിശ്രമങ്ങളും ഫലമണിയുകയുള്ളൂവെന്ന് ഞങ്ങള് മനസിലാക്കുന്നു .ഞങ്ങളുടെ പാപങ്ങളും തെറ്റുകളും പൊറുത്ത് ,ഞങ്ങളുടെ നന്മയ്ക്കും നാടിന്റെ അഭിവൃദ്ധിക്കും ആവശ്യമായ നല്ല കാലാവസ്ഥയും സമൃദ്ധമായ വിളവുകളും നല്കി ഞങ്ങളെ അനുഗ്രഹിക്കണമേ .
ശിശുക്കള്ക്കുവേണ്ടിയുള്ള പ്രാര്ത്ഥന
ശിശുക്കള്ക്കുവേണ്ടിയുള്ള പ്രാര്ത്ഥന
 |
| ശിശുക്കള്ക്കുവേണ്ടിയുള്ള പ്രാര്ത്ഥന |
ശിശുക്കളെ അടുത്തു വരുവാന് അനുവദിക്കുകയും ശിശുസഹജമായ നിഷ്കളങ്കത സ്വീകരിക്കുവാന് ആഹ്വാനം ചെയുകയും ചെയ്ത ഈശോയേ എല്ലാ ശിശുകളെയും അങ്ങയുടെ മടിത്തട്ടില് സമര്പ്പിച്ച് പ്രാര്ത്ഥിക്കുന്നു.ശിശുക്കളെ അനുഗ്രഹിക്കണമേ.പ്രായത്തിലും ജ്ഞാനത്തിലും ദൈവത്തിന്റെയും മനുഷ്യരുടെയും പ്രീതിയില് വളരുവാന് അവരെ അനുഗ്രഹിക്കണമേ.എല്ലാവിധ തിന്മയുടെ സ്വാധീനത്തില് നിന്നും അവരെ സംരക്ഷിക്കുകയും,അവരുടെ വിശുദ്ധിയില് ഭൂമുഖത്തെ നവീകരിക്കുകയും ചെയ്യണമേ.തിന്മയേശാത്തവിധം കുടുംബങ്ങളില് അവര് സുരിക്ഷിതരും,ദൈവകരങ്ങളില് സംരക്ഷിതരുമാകട്ടെ.പരിശുധാത്മശക്തി അവരെ വലയം ചെയ്യട്ടെ.തിരുക്കുടുംബത്തിന്റെ സ്നേഹചൈതന്യം എന്നും ശിശുക്കളെ ശക്തിപെടുത്തട്ടെ. ആമ്മേന് .
വിശുദ്ധരായ കാവല്മാലാഖമാരെ;എല്ലാ ശിശുക്കളെയും കാത്തുകൊളേളണമേ.
വൈദീകര്ക്കുവേണ്ടി പ്രാര്ത്ഥന
വൈദീകര്ക്കുവേണ്ടി പ്രാര്ത്ഥന
 |
| വൈദീകര്ക്കുവേണ്ടി പ്രാര്ത്ഥന |
നിത്യപുരോഹിതനായ ഈശോ ,അങ്ങേ ദാസന്മാരായ വൈദീകര്ക്കു യാതൊരാപത്തും വരാതെ അങ്ങേ തിരുഹൃദയത്തില് അഭയം നല്കണമേ .അങ്ങേ പരിശുദ്ധമായ ശരീരത്തെ ദിവസംതോറുമെടുക്കുന്ന അവരുടെ പൂശപ്പെട്ട കരങ്ങളെ മലിനമാകാതെ കാക്കണമേ .അങ്ങേ വിലയേറിയ തിരുരക്തത്താല് നനയുന്ന അവരുടെ നാവുകളെ നിര്മ്മലമായി കാത്തുകൊള്ളണമേ .ശ്രേഷ്ഠമായ അങ്ങേ പൗരോഹിത്യത്തിന്റെ മഹനീയ മുദ്ര പതിച്ചിരിക്കുന്ന അവരുടെ ഹൃദയങ്ങളെ ലോകവസ്തുക്കളില്നിന്ന് അകറ്റുകയും വിശുദ്ധമായി കാത്തുകൊള്ളുകയും ചെയ്യണമേ .അങ്ങേ ദിവ്യസ്നേഹം അവരെ ലോകതധ്രങ്ങളില്നിന്നു ക സംരക്ഷിക്കട്ടെ .അവരുടെ പ്രയത്നങ്ങള് ഫലസമൃദ്ധങ്ങളായി ഭവിക്കട്ടെ .അവരുടെ ശുശ്രൂഷ ലഭിക്കുന്നവര് ഇഹത്തില് അവരുടെ ആനന്ദവും ആശ്വാസവും പരത്തില് നിത്യസഭാഗ്യത്തിന്റെ മകുടവുമായി ഭവിക്കട്ടെ .
ആമ്മേന്
ആമ്മേന്
കുബസാരത്തിനുള്ള ജപം
കുബസാരത്തിനുള്ള ജപം
 |
| കുബസാരത്തിനുള്ള ജപം |
സര്വ്വശ ക്തനായ ദൈവത്തോടും ,നിത്യകന്യകയായ പരിശുദ്ധ മറിയത്തോടും പ്രധാന മാലാഖ യായ വിശുദ്ധ മിഖയെലിനോടും ,വിശുദ്ധ സ്നാപക യോഹന്നാനോടും ശ്ലീഹന്മാരായ വിശുദ്ധ പത്രോസിനോടും ,വിശുദ്ധ പൌലോസിനോടും ,വിശുദ്ധ തോമായോടും ,സകല വിശുദ്ധരോടും പിതാവേ അങ്ങയോടും ഞാന് ഏറ്റു പറയുന്നു .വിചാരത്താലും ,വാക്കാലും ,പ്രവര്ത്തിയാലും ഞാന് വളരെ പാപം ചെയ്തു പോയി ;എന്റെ പിഴ ;എന്റെ പിഴ എന്റെ വലിയ പിഴ .ആകയാല് നിത്യ കന്യകയായ പരിശുദ്ധ മറിയത്തോടും പ്രധാന മാലാഖയായ വിശുദ്ധ മിഖായേലിനോടും വിശുദ്ധ സ്നാപക യോഹന്നാനോടും,ശ്ലീഹന്മാരായ വിശുദ്ധ പത്രോസിനോടും ,വിശുദ്ധ പൌലോസിനോടും ,വിശുദ്ധ തോമായോടും ,സകല വിശുദ്ധരോടും പിതാവേ അങ്ങയോടും നമ്മുടെ കര്ത്താവായ ദൈവത്തോട് എനിക്കു വേണ്ടി പ്രാര്ത്ഥിക്കണമേ എന്ന് ഞാന് അപേക്ഷിക്കുന്നു .
കുടുംബവിശുദ്ധീ കരണത്തിന് പ്രാര്ത്ഥന
കുടുംബവിശുദ്ധീ കരണത്തിന് പ്രാര്ത്ഥന
 |
| കുടുംബവിശുദ്ധീ കരണത്തിന് പ്രാര്ത്ഥന |
ദൈവശുശ്രൂഷയ്ക്കും സഭാസേവനത്തിനുമായി ഞങ്ങളുടെ കുടുംബത്തില് നിന്ന് പ്രേഷിതരെ വിളിക്കണമേ.രോഗികളെയും ആസന്ന മരണരേയും കാത്തു പരിപാലിക്കണമേ. പാപസാഹച്ചര്യത്തില് നിന്നും അപകടങ്ങളില് നിന്നും ഞങ്ങളെ ഓരോരുത്തരെയും കാത്തു രക്ഷിക്കണമേ .ഞങ്ങളുടെ കുടുബത്തില് നിന്നു മരിച്ചു പോയിട്ടുള്ളവര്ക്ക് സ്വര്ഗ്ഗ ഭാഗ്യം നല്കണമേ .ഞങ്ങളുടെ അയല്ക്കാരെയും ചാര്ചക്കാരെയും സമൃദ്ധമായി അനുഗ്രഹിക്കണമേ .ഞങ്ങളെല്ലാവരും അവസാനം അങ്ങയോടോന്നിച്ച് സ്വര്ഗ്ഗഭാഗ്യം അനുഭവിക്കുവാന് ഇടവരുത്തുകയും ചെയ്യണമേ . ആമ്മേന് .
കുഞ്ഞുങ്ങളെ ലഭിക്കുവാന് ദബതികളുടെ പ്രാര്ത്ഥന
കുഞ്ഞുങ്ങളെ ലഭിക്കുവാന് ദബതികളുടെ പ്രാര്ത്ഥന
 |
| കുഞ്ഞുങ്ങളെ ലഭിക്കുവാന് ദബതികളുടെ പ്രാര്ത്ഥന |
സ്നേഹപിതാവായ ദൈവമേ ,ഞങ്ങളെ ദാബത്യ ജീവതത്തില് പ്രവേശിപ്പിച്ച അങ്ങയോടു ഞങ്ങള് നന്ദി പറയുന്നു .ഞങ്ങളുടെ അഭിലാഷങ്ങളും ആഗ്രഹങ്ങളും നന്നായി അറിയുന്ന കര്ത്താവേ അങ്ങേക്ക് ഇഷ്ടമാണെങ്കില് ഞങ്ങള്ക്ക് ഒരു കുഞ്ഞിനെ നല്കി അനുഗ്രഹിക്കണമേ .പിത്രിത്വത്തിന്റെയും മാത്രിത്വത്തിന്റെയും നാഥനായ അങ്ങ് ഞങ്ങളുടെ കുറ്റങ്ങളും പാപങ്ങളും പൊറുത്ത് ഞങ്ങളെ ആശീര്വദിക്കണമേ. നിര്മ്മല കന്യകയായിരുന്ന മറിയത്തെ അത്ഭുതകരമാം വിധം മാതാവാക്കി ഉയര്ത്തിയ ദൈവമേ ,അബ്രഹാത്തെയും സാറായെയും ,വാര്ദ്ധക്യത്തില് മാതാപിതാക്കളാക്കിയ പിതാവേ ,അങ്ങേക്കിഷ്ടമാണെങ്കില് ഞങ്ങള്ക്കും മാതാപിതാക്കളാകുവാനുള്ള അനുഗ്രഹം നല്കണമേ .ഒരു കുഞ്ഞിന്റെ നിര്മ്മലമായ സാന്നിദ്ധ്യത്താലും സ്നേഹത്താലും ഞങ്ങളുടെ ജീവിതത്തെ ധന്യമാക്കണമേ. അങ്ങനെ അങ്ങയുടെ സ്നേഹാമൃതം ഈ ലോകത്തില് അനുഭവിച്ചു ധന്യരാകുവാന് ഞങ്ങളെ അനുവദിക്കുകയും ചെയ്യണമേ . ആമ്മേന്
കരുണയുടെ ജപമാല
കരുണയുടെ ജപമാല
 |
| കരുണയുടെ ജപമാല |
നിയോഗം :ലോകം മുഴുവന്റെയും,നമ്മുടെയും പാപപരിഹാരത്തിനായി
1 സ്വര്ഗ്ഗ.1 നന്മ .1 വിശ്വാസപ്രമാണം.
വലിയമണികളില്: ;നിത്യ പിതാവേ എന്റെയുംലോകം മുഴുവന്റെയും പാപപരിഹാരത്തിനായി അങ്ങയുടെ വത്സല സുതനും ഞങ്ങളുടെ രക്ഷകനുമായ കര്ത്താവീശോ മിശിഹായുടെ ശരീരവും രക്തവും ആത്മാവും ദൈവത്വവും അങ്ങേക്കു ഞാന് കാഴ്ചവയ്ക്കുന്നു.
ചെറിയ മണികളില് ;ഈശോയുടെ അതിദാരുണമായ പീഡാനുഭവങ്ങളെക്കുറിച്ച്
പിതാവേ ഞങ്ങളുടേയും ലോകം മുഴുവന്റെയും മേലും കരുണയായിരിക്കണമേ.
10 പ്രാവശ്യം
ഓരോ ദശകങ്ങളും കഴിന്ന് :പരിശുദ്ധനായ ദൈവമേ, പരിശുദ്ധനായ ബലവാനേ ,പരിശുദ്ധനായ അമര്ത്യനെ ഞങ്ങളുടെയും ലോകം മുഴുവന്റെയും മേല് കരുണയായിരിക്കണമേ.
3 പ്രാവശ്യം
ജപമാലയുടെ അവസാനം :കര്ത്താവായ ദൈവമേ ഞങ്ങളെ രക്ഷിക്കണമേ.അങ്ങേ മക്കളോട് കരുണ കാണിക്കണമേ .ഞങ്ങളും ഞങ്ങളുടെ മാതാപിതാക്കളും സഹോദരങ്ങളും ബന്ധുക്കളും മിത്രങ്ങളും ശത്രുക്കളും പൂര്വ്വികരും വഴി വന്നു പോയ പാപങ്ങളും അപരാധങ്ങളും ക്ഷമിക്കണമേ .ഞങ്ങളെ ശിക്ഷിക്കരുതേ. ഞങ്ങളുടെ കടങ്ങള് ഇളച്ചുതരണമേ. ഞങ്ങളെ അങ്ങയുടെ സ്വന്തമായി സ്വീകരിച്ച് അങ്ങേ അരൂപിയിലൂടെ നയിക്കണമേ .
3 പ്രാവശ്യം
എത്രയും ദയയുള്ള മാതാവേ
എത്രയും ദയയുള്ള മാതാവേ
 |
| എത്രയും ദയയുള്ള മാതാവേ |
എത്രയും ദയയുള്ള മാതാവേ ,അങ്ങേ സങ്കേതത്തില് ,ഓടിവന്ന്,അങ്ങേ സഹായം തേടി ,അങ്ങേ മധ്ത്യസ്ഥം അപേക്ഷിച്ചവരില് ഒരുവനെയെങ്കിലും അങ്ങ് ഉപേക്ഷിച്ചതായി ലോകത്തില് കേട്ടിട്ടില്ല എന്ന് ഓര്ക്കണമേ. കന്യാവ്രതക്കാരുടെ രാജ്ഞ്നി ,ദയയുള്ള മാതാവേ ,ഈ വിശ്വാസത്തില് സരന്നപെട്ട്,അങ്ങേ തൃപാദത്തില് ഞാന് അണയുന്നു .നെടുവീര്പ്പോടും കണ്ണുനീരോടുംകൂടെ പാപിയായ ഞാന് അങ്ങേ ധയാധിക്യത്തെ പ്രതീക്ഷിച്ചുകൊണ്ടെ അങ്ങേ സന്നിധിയില് നില്ക്കുന്നു .അവതരിച്ച വചനത്തിന് മാതാവേ ,എന്റെ അപേക്ഷ ഉപേക്ഷിക്കാതെ ദയാപൂര്വ്വം കേട്ടരുളേണമേ.
ഉണ്ണീശോയോടുള്ള പ്രാര്ത്ഥന
ഉണ്ണീശോയോടുള്ള പ്രാര്ത്ഥന
 |
| ഉണ്ണീശോയോടുള്ള പ്രാര്ത്ഥന |
കാലിത്തൊഴുത്തില് പിറന്ന ദൈവപുത്രനായ ഉണ്ണീശോയെ ,ഞങ്ങള് അവിടുത്തെ ആരാധിക്കുകയും സ്തുതിക്കുകയും ചെയ്യുന്നു .അവിടുന്ന് ഞങ്ങള്ക്ക് നല്കികൊണ്ടിരിക്കുന്ന എല്ലാവിധ അനുഗ്രഹങ്ങള്ക്കും ഞങ്ങള് നന്ദി പറയുന്നു .നസ്രസ്സില് മാതാപിതാക്കള്ക്ക് വിധേയനായി ജീവിച്ച ഉണ്ണീശോയെ ,ദൈവതിരുമനസിന് വിധേയരായി വിശുദ്ധിയിലും വിജ്ഞാന ത്തിലും വളരുവാന് ഞങ്ങളെ സഹായിക്കേണമേ .ഞങ്ങളിപ്പോള് അങ്ങയോട് അപേക്ഷിക്കുന്ന .........................അനുഗ്രഹം സാധിച്ചുതരേണമേ .അവിടുത്തെ തിരുഹിതം നിറവേറ്റി ദൈവത്തിന്റെയും മനുഷ്യരുടെയും പ്രീതിയില് ജീവിക്കുവാന് ഞങ്ങള്ക്ക് ശക്തി തരണമേ. ആമ്മേന്
1സ്വര്ഗ്ഗ .1നന്മ .1ത്രിത്വ .
ഈശോയുടെ തിരുരക്ത സംരക്ഷണ പ്രാർത്ഥന
ഈശോയുടെ തിരുരക്ത സംരക്ഷണ പ്രാർത്ഥന
 |
| ഈശോയുടെ തിരുരക്ത സംരക്ഷണ പ്രാർത്ഥന |
- ഈശോയുടെ മുൾമുടിയിൽ നിന്ന് ഒഴുകിയിറങ്ങിയ തിരുരക്തമേ,പിശാചിന്റെ തല തകർക്കണമേ [10 പ്രാ]
- ഈശോയുടെ കരങ്ങളിൽ നിന്ന് ഒഴുകിയിറങ്ങിയ തിരുരക്തമേ ,പിശാചിന്റെ തല തകർക്കണമേ [10 പ്ര ]
- ഈശോയുടെ വിലാപിൽ നിന്ന് ഒഴുകിയിറങ്ങിയ തിരുരക്തമേ തിരുജലമേ പിശാചിന്റെ തല തകർക്കണമേ [10 പ്ര ]
- ഈശോയുടെ കണങ്കാലിൽ നിന്ന് ഒഴുകിയിറങ്ങിയ തിരുരക്തമേ പിശാചിന്റെ തല തകർക്കണമേ [10 പ്രാ ]
- ഈശോയുടെ ശരീരത്തിൽ ഏറ്റുവാങ്ങിയ അടി പിണറുകളാൾ ഞങ്ങളെ രക്ഷിക്കണമേ [10 പ്ര ]
- പരിശുദ്ധ അമ്മേ ഞങ്ങൾക്കുവേണ്ടി മാദ്ധ്യസ്ഥം അപേക്ഷിക്കണമേ [10 പ്ര ]
- ഈശോയുടെ ജ്വലിക്കുന്ന തിരുഹൃദയത്തിൽ നിന്നും ഒഴുകിയ സ്നേഹശക്തിയാൽ ഞങ്ങളേയും ലോകം മുഴുവനുമുള്ള എല്ലാ മക്കളേയും രക്ഷിക്കണമേ
ഈശോയുടെ തിരുഹൃദയത്തോടുള്ള കുടുംബപ്രതിഷ്ഠ ജപം
ഈശോയുടെ തിരുഹൃദയത്തോടുള്ള കുടുംബപ്രതിഷ്ഠ ജപം
 |
| ഈശോയുടെ തിരുഹൃദയത്തോടുള്ള കുടുംബപ്രതിഷ്ഠ |
കുടുംബനായകന് : ഈശോയുടെ തിരുഹൃദയമേ ,( സമൂഹവും കൂടി ) ഈ കുടുംബത്തെയും ഞങ്ങളെ ഓരോരുത്തരെയും / ഞങ്ങള് അങ്ങേക്ക് പ്രതിഷ്ടിക്കുന്നു .ഞങ്ങളുടെ ഈ കുടുംബത്തില് /അങ്ങ് രാജാവായി വാഴണമേ .ഞങ്ങളുടെ പ്രവര്ത്തികളെല്ലാം /അങ്ങുതന്നെ നിയന്ത്രിക്കണമേ .ഞങ്ങളുടെ ഉദ്യമങ്ങളെല്ലാം / ആശീര്വദിക്കുകയും /ഞങ്ങളുടെ സന്തോഷങ്ങള് വിശുദ്ധീകരിക്കുകയും / സങ്കടങ്ങളില് ആശ്വാസം നല്കുകയും ചെയണമേ .ഞങ്ങളില് ആരെങ്കിലും /അങ്ങയെ ഉപദ്രവിക്കാനിടയായാല് /ഞങ്ങളോടു ക്ഷമിക്കണമേ .ഈ കുടുംബത്തിലുള്ളവരെയും /ഇവിടെനിന്ന് അകന്നിരിക്കുന്നവരെയും /സമൃദ്ധമായി അനുഗ്രഹിക്കണമേ .( മരിച്ചുപോയ ഞങ്ങളുടെ കുടുംബാംഗങ്ങളെ നിത്യഭാഗ്യത്തിലേക്ക് പ്രവേശിപ്പിക്കണമേ ).ആത്മീയവും ശാരീരികവുമായ എല്ലാ വിപത്തുകളിലും നിന്ന് /ഞങ്ങളെ കാത്തുകൊള്ളേണമേ .സ്വര്ഗത്തില് അങ്ങയെ കണ്ടാനന്ദിക്കുവാന് /ഞങ്ങള്ക്കെല്ലാവര്ക്കും /അനുഗ്രഹം നല്കണമേ .
മറിയത്തിന്റെ വിമലഹൃദയവും /മാര് യൌസെപ്പിതാവും /ഞങ്ങളുടെ പ്രതിഷ്ഠയെ /അങ്ങേക്കു സമര്പ്പികുകയും /ജീവിതകാലം മുഴുവനും /ഇതിന്റെ സജീവ സ്മരണ /ഞങ്ങളില് നിലനിര്ത്തുകയും ചെയട്ടെ .
ഈശോമിശിഹായുടെ തിരുഹൃദയമേ !ഞങ്ങളെ അനുഗ്രഹിക്കണമേ .
മറിയത്തിന്റെ വിമല ഹൃദയമേ !ഞങ്ങള്ക്കുവേണ്ടി അപേക്ഷിക്കണമേ .
വിശുദ്ധ ഔസേപ്പേ !ഞങ്ങള്ക്കുവേണ്ടി അപേക്ഷിക്കണമേ .
വിശുദ്ധ മാര്ഗ്ഗരീത്താമറിയമേ ! ഞങ്ങള്ക്കുവേണ്ടി അപേക്ഷിക്കണമേ
അൽഫോൻസാമ്മയുടെ പ്രാർത്ഥന
അൽഫോൻസാമ്മയുടെ പ്രാർത്ഥന
"ഓ ഈശോനാഥാ ! അങ്ങേ ദിവ്യഹൃദയത്തിലെ മുറിവിൽ എന്നെ മറയ്ക്കണമേ .സ്നേഹിക്കപ്പെടുവാനും വിലമതിക്കപ്പെടുവാനുമുള്ള എന്റെ ആശയിൽ നിന്നും എന്നെ വിമുക്തയാക്കണമെ .കീർത്തിയും ബഹുമാനവും സമ്പാദിക്കണമെന്നുള്ള ദുഷിച്ച ഉദ്യമത്തിൽനിന്നും എന്നെ രക്ഷിക്കണമെ .ഒരു പരമാണുവും അങ്ങേ ദിവ്യഹൃദയത്തിലെ സ്നേഹാഗ്നിജ്വാലയിലെ ഒരു പൊരിയും ആകുന്നതുവരെ എന്നെ എളിമപ്പെടുത്തണമെ .സൃഷ്ടികളെയും എന്നെത്തന്നെയും മറന്നുകളയുന്നതിനുള്ള അനുഗ്രഹം എനിക്കു തരണമെ .പറഞ്ഞറിയിക്കാൻ വയ്യാത്ത മാധുര്യമായ എന്റെ ഈശോയെ
,ലൗകീകാശ്വാസങ്ങളെല്ലാം എനിക്കു കയ്പായി പകർത്തണമെ . നീതിസൂര്യനായ എന്റെ ഈശോയെ ,നിന്റെ ദിവ്യകതിരിനാൽ എന്റെ ബോധത്തെ തെളിയിച്ച് ബുദ്ധിയെ പ്രകാശിപ്പിച്ച് ഹൃദയത്തെ ശുദ്ധീകരിച്ച് നിന്റെ നേർ ക്കുള്ള സ്നേഹത്താൽ എരിയിച്ച് എന്നെ നിന്നോടൊന്നിപ്പിക്കണമെ ".
ആമ്മേൻ .
 |
| അൽഫോൻസാമ്മയുടെ പ്രാർത്ഥന |
"ഓ ഈശോനാഥാ ! അങ്ങേ ദിവ്യഹൃദയത്തിലെ മുറിവിൽ എന്നെ മറയ്ക്കണമേ .സ്നേഹിക്കപ്പെടുവാനും വിലമതിക്കപ്പെടുവാനുമുള്ള എന്റെ ആശയിൽ നിന്നും എന്നെ വിമുക്തയാക്കണമെ .കീർത്തിയും ബഹുമാനവും സമ്പാദിക്കണമെന്നുള്ള ദുഷിച്ച ഉദ്യമത്തിൽനിന്നും എന്നെ രക്ഷിക്കണമെ .ഒരു പരമാണുവും അങ്ങേ ദിവ്യഹൃദയത്തിലെ സ്നേഹാഗ്നിജ്വാലയിലെ ഒരു പൊരിയും ആകുന്നതുവരെ എന്നെ എളിമപ്പെടുത്തണമെ .സൃഷ്ടികളെയും എന്നെത്തന്നെയും മറന്നുകളയുന്നതിനുള്ള അനുഗ്രഹം എനിക്കു തരണമെ .പറഞ്ഞറിയിക്കാൻ വയ്യാത്ത മാധുര്യമായ എന്റെ ഈശോയെ
,ലൗകീകാശ്വാസങ്ങളെല്ലാം എനിക്കു കയ്പായി പകർത്തണമെ . നീതിസൂര്യനായ എന്റെ ഈശോയെ ,നിന്റെ ദിവ്യകതിരിനാൽ എന്റെ ബോധത്തെ തെളിയിച്ച് ബുദ്ധിയെ പ്രകാശിപ്പിച്ച് ഹൃദയത്തെ ശുദ്ധീകരിച്ച് നിന്റെ നേർ ക്കുള്ള സ്നേഹത്താൽ എരിയിച്ച് എന്നെ നിന്നോടൊന്നിപ്പിക്കണമെ ".
ആമ്മേൻ .
Subscribe to:
Posts (Atom)
