ജപമാല ചൊല്ലി സംഭവിച്ച ആദ്യ വിജയം

st joseph church arakkunnam

1571ലെ ലെപാന്‍ന്റോ യുദ്ധത്തിനിടെ ജപമാല ചൊല്ലിയതിന്‍റെ ഫലമായി യുദ്ധം ജയിച്ച അത്ഭുതത്തെക്കുറിച്ച് എല്ലാവര്‍ക്കുമറിയാം. എന്നാല്‍ ജപമാല വഴിയായി സംഭവിച്ച ആദ്യത്തെ വിജയം ഏതാണ്?

ഫ്രാന്‍സില്‍ 1212ല്‍ നടന്ന മ്യൂറെറ്റ് യുദ്ധമാണ് ജപമാലയുടെ പേരിലുള്ള ആദ്യ വിജയം. 1,500 ക്രിസ്ത്യാനികള്‍ കൗണ്ട് സൈമണ്‍ ഡി മോണ്ട് ഫോര്‍ട്ടിന്റെ നേതൃത്വത്തില്‍ മ്യൂറെറ്റില്‍ വച്ച് അല്‍ബെജന്‍സിയനെതിരെ നടത്തിയ യുദ്ധത്തിലാണ് ഇവര്‍ വിജയിച്ചത്. കത്തോലിക്ക വിശ്വാസികളെ തുടച്ചു നീക്കുവാനായി കച്ചകെട്ടി പുറപ്പെട്ട 30,000 ശത്രുക്കളെയാണ് വി. ഡൊമിനിക്കിന്‍റെ നേതൃത്വത്തില്‍ ജപമാല ചൊല്ലി പ്രാര്‍ത്ഥിച്ചതിന്റെ ഫലമായി തകര്‍ത്തത്.

പരിശുദ്ധ അമ്മയുടെ തിരുനാള്‍ സഭ ആഘോഷിക്കുന്ന സെപ്റ്റംബര്‍ 12നായിരുന്നു ഇവര്‍
യുദ്ധത്തില്‍ വിജയം നേടിയത്. 1683 സെപ്റ്റംബര്‍ 12ന് പോളണ്ടിലെ രാജാവായ ജാന്‍ സൊബിയേസ്‌ക്കി തുര്‍ക്കികള്‍ക്കെതിരെ നടത്തിയ യുദ്ധത്തില്‍ വിജയം നേടിയതോടുകൂടി അന്നേദിവസം മാതാവിന് നന്ദി അര്‍പ്പിക്കുന്ന തിരുനാളായി സഭയില്‍ ആഘോഷിക്കുന്നതിന് തീരുമാനമായി.